ცხადდება კონკურსი თსუ-ს სამივე საფეხურის სტუდენტებისათვის, ასევე, აკადემიური და ადმინისტრაციული პერსონალისთვის პორტოს უნივერსიტეტში, მინიოს უნივერსიტეტში, ავეიროს უნივერსიტეტში და ტრაზ-უჟ-მონტიშისა და ალტუ-დორუს უნივერისტეტში (პორტუგალია) ევროკომისიის მიერ დაფინანსებული MIND კრედიტ-მობილობის პროგრამის სტიპენდიების მოსაპოვებლად

აღნიშნულ კონკურსში მონაწილეობის მიღება შეუძლიათ: 

1. თბილისის სახელმწიფო უნივერსიტეტის შვიდივე ფაკულტეტის კადემიური პერსონალის წარმომადგენლებს

2. ადმინისტრაციული პერსონალის წარმომადგენლებს შემდეგი ცენტრალური თუ საფაკულტეტო ერთეულებიდან:

•   პერსონალის მართვა;

•   საგარეო ურთიერთობები;

•   ბიბლიოთეკა;

•   სასწავლო პროცესის მართვა;

•   საზოგადოებასთან ურთიერთობა;

•   ხარისხის უზრუნველყოფა;

•   ფინანსების მართვა. 

3. თბილისის სახელმწიფო უნივერსიტეტის შვიდივე ფაკულტეტის სტუდენტებს, რომლებიც 2026/2027 სასწავლო წლის შემოდგომის სემესტრში იმყოფებიან:

• ბაკალავრიატის საფეხურის მესამე, მეოთხე, მეხუთე, მეექვსე სემესტრში;
• მაგისტრატურის საფეხურის პირველ და მეორე სემესტრში;
• დოქტორანტურის პირველ, მეორე, მესამე და მეოთხე სემესტრში.

გთხოვთ, გაითვალისწინოთ, რომ სემესტრი, რომელშიც გეგმავთ მობილობის განხორციელებას არ უნდა იყოს: დამამთავრებელი/ხარისხის მიმნიჭებელი

სტიპენდიის ხანგრძლივობა:  

1. პერსონალი: 5 სამუშაო დღე + 2 მგზავრობის დღე 
2. სტუდენტები: 5 თვე

სტიპენდია მოიცავს: 

1. პერსონალისათვის:  170 ევრო დღიური სტიპენდია + ორმხრივი საერთაშორისო მგზავრობის დაფინანსება + საერთაშორისო სამოგზაურო დაზღვევის დაფინანსება
2. სტუდენტებისათვის: ყოველთვიური სტიპენდია 850 ევროს ოდენობით + ორმხრივი საერთაშორისო მგზავრობის დაფინანსება + საერთაშორისო დაზღვევის დაფინანსება 

შერჩეულმა სტიპენდიატებმა თავად უნდა აანაზღაურონ სავიზო მოსაკრებლის ხარჯები!
 

სტიპენდიატთა შესარჩევი პროცესი:

• შერჩევა/სტიპენდიის მინიჭება (მასპინძელი უნივერსიტეტი)

სააპლიკაციო დოკუმენტაციის ჩამონათვალი:

1. სტუდენტების შემთხვევაში:

• ფოტო;
• პირადობის მოწმობის ასლი;
• პასპორტის ასლი;
• ცნობა სტუდენტის სტატუსის შესახებ (ინგლისურ ენაზე ნათარგმნი და ნოტარიულად დამოწმებული);
• ნიშნების ამონაწერი (ინგლისურ ენაზე ნათარგმნი და ნოტარიულად დამოწმებული);
• ენის ცოდნის დამადასტურებელი დოკუმენტი (ენის საერთაშორისო სერთიფიკატი (FCE, IELTS, TOEFL - მინიმუმ B2 დონე, აღებული უკანასკნელი 6 წლის მანძილზე) ან თსუ-ს მიერ 2025 წლის 7 მარტს ან/და 2025 წლის 1 ოქტომბერს ორგანიზებული ინსტიტუციური ენის ტესტირების ჩაბარების დამადასტურებელი ცნობა);
• CV-ს ევროპული ფორმატი (ინგლისურ ენაზე, არაუმეტეს ორი გვერდისა);
• მოტივაციის წერილი (ინგლისურ ენაზე, ავსებთ ონლაინ სააპლიკაციო ფორმაში);
• მასპინძელ უნივერსიტეტში ასარჩევი საგნების ჩამონათვალი (გაიარეთ კონსულტაცია თქვენი ფაკულტეტის ხარისხის უზრუნველყოფის სამსახურში და მხოლოდ ამის შემდეგ შეავსეთ ონლაინ აპლიკაციაში მოცემული ფორმა);
• ერთი სარეკომენდაციო წერილი (Support Letter; ინგლისურ ენაზე, პროფესორის ხელმოწერითა და ფაკულტეტის ბეჭდით დამოწმებული);
• ნაკლები შესაძლებლობების სტატუსის არსებობის დამადასტურებელი ცნობა (სტატუსი უნდა დასტურდებოდეს კომპეტენტური ორგანოს მიერ გაცემული ცნობით);
• ბაკალავრის დიპლომი და დიპლომის დანართი (სავალდებულოა, მაგისტრატურის სტუდენტებისთვის);
• მაგისტრის დიპლომი და დიპლომის დანართი (სავალდებულოა, დოქტორანტურის სტუდენტებისთვის);

2. პერსონალის შემთხვევაში:

•  ფოტო;
• პირადობის მოწმობის ასლი;
• პასპორტის ასლი;
• ცნობა პერსონალის მართვის სამსახურიდან სამუშაოს მოკლე აღწერილობით (ინგლისურ ენაზე ნათარგმნი და ნოტარიულად დამოწმებული);
• უცხო ენის (ინგლისური ან პორტუგალიური) ცოდნის დამადასტურებელი დოკუმენტი;
• მხარდაჭერის წერილი მშობლიური უნივერსიტეტიდან (ინგლისურ ენაზე, ხელმოწერითა და
• ბეჭდით დამოწმებული);
• მოტივაციის წერილი (ინგლისურ ენაზე, ავსებთ ონლაინ სააპლიკაციო ფორმაში);
• სამუშაო გეგმა (ინგლისურ ენაზე, ავსებთ ონლაინ სააპლიკაციო ფორმაში);
• უმაღლესი განათლების დამადასტურებელი დოკუმენტი;

განაცხადების მიღება იწარმოებს:  2026 წლის 10 აპრილის ჩათვლით შემდეგი ვებ-გვერდის საშუალებით: https://mindicm25.up.pt/

არასრული ან/და დაგვიანებული განაცხადები არ მიიღება!!!

დამატებითი ინფორმაციისთვის იხილეთ მიმაგრებულ ფაილებში:

1. ხშირად დასმული კითხვები 
2. განაცხადის გაკეთების სახელმძღვანელო

დამატებითი კითხვების არსებობის შემთხვევაში დაგვიკავშირდით შემდეგი ელ-ფოსტის საშუალებით: outgoingmobility@tsu.ge